مسا الخير جميعا ...طبعا الكل عم يتسائل مين هالحجي يلي حاطين صورتو بالبوست ... يا سيدي هاد الشخص يلي شايفين تمثالو هون هو العالم و الفيلسوف الهولندي Erasmus و هو كان من رواد الحركة الإنسانية بأوروبا و ركيزة من ركائز العلم و التعليم و تكريما الو قرر #الاتحاد_الاوروبي يسمي هالمنحة الدراسية باسمو...
المنحة الدراسية الجديدة هي المقدمة من "Erasmus Mundus"
يلي هو برنامج تعاون و تنقل بمجال #التعليم_العالي و بيهدف لتحسين نوعية التعليم العالي الأوروبي وتعزيز الحوار و التفاهم بين الشعوب والثقافات من خلال التعاون مع البلدان التانية . وبالإضافة لهالشي، بيساهم بتنمية الموارد البشرية و قدرة التعاون الدولي من مؤسسات التعليم العالي بدول العالم الاخرى عن طريق زيادة التنقل بين الإتحاد الأوروبي و هي الدول.
الدول المستفيدة من المشروع هنن أغلب دول #بلاد_الشام (#الأردن, #لبنان, سوريا , #فلسطين ) و كل مشروع الو عدد من الجامعات المشتركة و المعنية بتقديم الفرص للطلاب المرشحين هون لازم ازكر انو سوريا مشتركة باغلب مشاريع البرنامج ...
طيب يا دوبرجي هي المنحة شو بتقدملي؟؟
يا سيدي و بلا طول سيرة هي منحة كاملة يعني Full Scholarship و بتشمل :
- تذكرة الطيارة روحة رجعة
- مبلغ شهري من 1000 الي 2500 يورو (حسب مستوى ودرجة الدراسة)
- رسوم وتكاليف السفر حتى تقدم و تحصل ع تأشيرة السفر طبعا بتجبلهون وصل بكل مبلغ عم تدفعو مشان ما يصير في مشاكل.
البرامج المتوفرة حاليا ...
أول شي برنامج PEACEI & PEACEII
يلي بيقدمو عليه الطلاب #السوريين من خلال الجامعة العربية الدولية و من خلال هالرابط هاد فيك تشوف التفاصيل و آلية الترشح وبتعبي المعلومات المطلوبة و بتبعتها. آخر موعد للتقديم 24/01/2014.
http://www.usc.es/peace/call.htm
عندك كمان برنامج #PHONEX
يلي بيشمل كل المستويات من دراسات عليا للغير المخريجين و كزا اختصاص كمان.
و مشان ما طول عليك السيرة فيك تفوت عهالرابط و تشوف كل التفاصيل ... و انتبه صديقي قدم فورا لان آخر موعد للترشح هو 22/01/2014
http://www.em-phoenix.eu/
اخيرا ... برنامج #HERMES
يلي كمان متل يلي قبلها هوي منحة كاملة شاملة المصاريف انت بس قدم و اتكل عالله صحي لسا معك 27 يوم للتقديم بس يلي بيسبق بياكل بندق متل ما بيقولو... و فيك تطلع عكل التفاصيل و الاوراق المطلوبة من خلال هالرابط هاد...
http://www.hermes-mundus.eu/
اخي من الاخر ... ازا ضل هالبوست عندك ما رح نستفيد شي ... قدم انت و انشرو بين رفقاتك المتخرجين و يلي لسا عم يدوروا عفرصة دراسية و يلي مو مفكر لسا يكمل دراستو ... كل ياتنا بدنا نستفيد و نفيد السوريين يلي متلنا ... و رح نضل نقول انو بلا العلم ما منسوى شي و ما رح نقدر نبني بلدنا ....
